१३औं संस्करणको साफ च्याम्पियनसिप २०२१ अन्तर्गत श्रीलंकाविरुद्ध नेपालले अग्रता लिएको छ। मालेस्थित राष्ट्रिय फुटबल स्टेडियममा जारी खेलको पहिलो हाफ सकिदा नेपालले १-० गोलको अग्रता बनाएको हाे  ।

खेलको ३३ औं मिनेटमा सुमन लामाले गोल गर्दै नेपाललाई सुरुआती अग्रता दिलाएका हुन् । प्रशिक्षक अब्दुल्लाह अल्मुताइरीले आजको सुजल श्रेष्ठको स्थानमा सुमनलाई मौका दिएका थिए। प्रशिक्षकले आजकाे खेलमा दीनेश राजवंशीको स्थानमा विशाल राई र सुजलको स्थानमा सुमनलाई मौका दिएका थिए।

नेपालले दोस्रो खेलको रुपमा श्रीलंकासँग खेलिरहेको हो । पहिलो खेलमा नेपालले माल्दिभ्सलाई १-० ले हराएको थियो ।