काठमाडौं । गए राति सम्पन्न इंग्लिस प्रिमियर लिगअन्तर्गतको फुटबल खेलमा साविक विजेता म्यानचेस्टर सिटी टोटेनह्यामसँग  १–० गोल अन्तरले पराजित भएको छ ।

घरेलु मैदानमा टोटेनह्यामलाई जित दिलाउन ह्युङ मिन सनले निर्णायक गोल गरेका थिए । पहिलो हाफ गोलरहित बराबरीमा सकिएको खेलको ५५ औँ मिनेटमा सनले निर्णायक गोल गरे ।​

स्टिभीनको पासमा सनले पेनाल्टी बक्स बाहिरबाट उत्कृष्ट गोल गरेका थिए । उक्त जितसँगै टोटेनहमले पहिलो खेलमै महत्वपूर्ण ३ अंक जोडेको छ ।

तर, सिटीले भने हारबाट सिजनको सुरुवात गरेको छ । फेरि गएराति नै सम्पन्न भएको अर्को खेलमा वेस्ट ह्यामले न्युकासल युनाईटेडलाई ४–२ गोल अन्तरले हराएको छ ।