प्रि–सिजनको मैत्रीपूर्ण खेलमा इटालियन क्लब युभेन्ट्स विजयी भएको छ। शनिबार राति भएको खेलमा घरेलु टोली युभेन्ट्सले सिरी ‘ए’ प्रतिद्वन्द्वी एटलान्टालाई ३–१ ले पराजित गरेको हो।

युभेन्ट्सको जीतमा पाउलो डिबाला, फेडरिको बर्नरडेस्ची र अल्भारो मोराटाले गोल गरे। एटलान्टाका लुइस मुरेलले एक गोल फर्काए। खेलको आठौं मिनेटमा पाउलो डिबालाको गोलबाट युभेन्ट्सले अग्रता लिएको थियो।

१७ औं मिनेटमा लुइस मुरेलले पेनाल्टीमार्फत बराबरी गोल फर्काए। ३९औं मिनेटमा फेडरिको बर्नरडेस्चीले तथा ९०औं मिनेटमा अल्भारो मोराटाले गोल गर्दै युभेन्ट्सलाई जीत दिलाए। 

यस्तै अर्काे मैत्रीपूर्ण खेलमा एसएस रोमाले मोरोक्कोको राजा कासाब्लान्कामाथि ५–० को फराकिलो जीत निकालेको छ।