पोल्यान्डविरुद्धको समूह चरणको खेलमा स्पेन १–१ गोलको बराबरीमै रोकियो । घरेलु मैदान सेभियामा भएको यस खेलमा स्पेनले अग्रता लिने राम्रो अवसर पाएको थियो । तर, जरार्ड मोरिनोले गरेको पेनाल्टी गोलपोस्टमा ठोक्किएर बाहिरियो । अनि, रिबाउन्डमा अल्भारो मोराटाले गरेको प्रहारले गोलपोस्टको दिशा लिन सकेन ।
यसपछि आफूमाथि निरन्तर धम्की आएको खुलासा मोराटाले गरेका छन् । ‘मानिसहरुले मेरो बेइज्जत गरे । धम्की दिए, तिम्रा बालबच्चा मरुन् भने,’ मोराटाले भने ।
समूह चरणमा स्पेनले खेलेको यो दोस्रो बराबरी थियो । यस खेलअघि सुरुवाती खेलमा पनि स्पेनले स्विडेनसँग गोलरहित बराबरी खेलेको थियो । लगातारको बराबरी नतिजापछि अन्तिम खेलमा जित निकाल्नैपर्ने दबाबमा स्पेन पुगेको थियो ।
