अखिल नेपाल फुटबल सङ्घ (एन्फा)ले त्रिदेशीय फुटबल प्रतियोगिताको उपाधि विजेता नेपाली टोलीका खेलाडीलाई जनही एक लाख रुपैयाँ पुरस्कार दिने घोषणा गरेको छ ।
एन्फाले मंगलबार विज्ञप्ति जारी गर्दै पुरस्कार दिने घोषणा गरेको हो । नेपालले सोमबार घरेलु मैदानमा बंगलादेशलाई २-१ ले पराजित गर्दै थ्री नेसन्स कपको च्याम्पियन बनेको हो । जुन ३७ वर्षपछि नेपालले घरेलु भुमिमा उपाधि जितेको हो । नेपालको जितमा सन्जोक राई र विशाल राईले गोल गरेका थिए । सन्जोकले दोस्रो अन्तरास्ट्रिय खेलमा गोल गर्न सफल भएका थिए ।
नेपालले ३७ वर्षपछि घरेलु मैदानमा उपाधि जितेको हो । विजेता भएबापत नेपाली टोलीले पाँच हजार अमेरिकी डलर पुरस्कार प्राप्त गर्यो भने उपविजेता बंगलादेशले तीन हजार डलर पुरस्कार प्राप्त गरेको छ ।
