फ्रेन्च युवा फरवार्ड केलियन एमबाप्पेको दुई गोल सहयोगमा पेरिस सेन्ट जर्मेन (पीएसजी) ले फ्रेन्च लिग वानमा डिजोनमाथि ४–० को सानदार जित निकालेको छ ।
शनिबार राति सम्पन्न खेलको छैटौ मिनेटमा मोइस किनको गोलबाट पीएसजीले अग्रता लिएको थियो । ३२औं मिनेटमा एमबाप्पेले पेनाल्टीमार्फत गोल गरेपछि पीएसजीले पहिलो हाफमा २–० को अग्रता लिएको थियो ।
५१औं मिनेटमा राफिन्हाको पासमा एमबाप्पेले व्यक्तिगत दोस्रो तथा टोलीका लागि तेस्रो गोल गरेपछि पीएसजी सहज जिततर्फ अग्रसर बन्यो । ८२औं मिनेटमा डानिलो पेरेइराको गोल गर्दै पीएसजीलाई सानदार जित दिलाए ।
यो जितसँगै दोस्रो स्थानमा उक्लिएको पीएसजीको २७ खेलबाट ५७ अंक पुगेको छ ।
