एजेन्सी । एसी मिलानले इटालियन सिरी ‘ए’ मा फुटबलमा क्याग्लिएरीविरूद्ध २–० ले विजयी बनेको छ ।
सोमबार राति भएको खेलमा मिलानले क्याग्लिएरीमाथि उसकै मैदानमा हराएको हो । मिलानको जितमा भेट्रान फरवार्ड ज्लाटन इभ्राहिमोभिचले दुई गोल गरे ।
खेलको सातौँ मिनेटमा पेनाल्टीबाट टिमलाई अग्रता दिलाएका इभ्राहिमोभिचले दोस्रो हाफको ५२औँ मिनेटमा अर्को गोल गर्दै मिलानलाई २-०को जित सुनिश्चित गरे ।
जितसँगै मिलानले शीर्षस्थानमा स्पष्ट ३ अंकको अग्रता लिएको छ । मिलानको १८ खेलबाट ४३ अंक पुगेको छ । पराजित क्याग्लिएरी १४ अंकसहित १७औँ स्थानमा छ ।
