गएराति भएको खेलमा आर्सनलले विजयी भएकाे छ । इंग्लिस प्रिमियर लिग फुटबल अन्तर्गतकाे खेलमा आर्सनलले न्युकासललाई ३-० गोल अन्तरले पराजित गरेको हो ।
पहिलो हाफ गोलरहित बराबरीमा सकिएको खेलको ५० औं मिनेटमा पिएरे एम्रिक औबामियाङले गोल गर्दै आर्सनललाई अग्रता दिलाएका थिए ।
खेलको ६० औं मिनेटमा साकाले गोल गर्दै आर्सनललाई २-० को अग्रता दिलाए । त्यसपछि खेलको ७७ औं मिनेटमा पिएरेले व्यक्तिगत दोस्रो गोल गर्दै आर्सनललाई ३-० को सहज जित दिलाए ।
जितसंगै आर्सनल लिगको दशौँ स्थानमा उक्लिएको छ । आर्सनलले १९ खेलमा २७ अंक जोडेको छ ।
