फुटबल क्लब बार्सिलोनामा कारोना संक्रमित पाइएपछि क्लबले मंगलबारको प्रशिक्षण सत्र स्थगित गरेको छ ।
बार्सिलोनाले ला लिगामा बुधबार एथ्लेटिको बिल्बाओको सामना गर्दैछ तर सबै खेलाडी र स्टाफको कोरोना परीक्षण गर्नका लागि मंगलबार बिहानको प्रशिक्षण सत्र स्थगित गरिएको हो ।
क्लबका दुई सदस्यमा कोरोना संक्रमण पुष्टि भएपछि अन्य सदस्यको समेत कोरोना परीक्षण गर्न लागिएको छ ।
‘सोमबार गरिएको पिसिआर परीक्षणमा सिनियर टोलीको स्टाफका दुई सदस्यको नतिजा पोजेटिभ आएको छ,’ बार्सिलोनाले एक विज्ञप्ति जारी गर्दै भनेको छ, ‘स्थानीय समयअनुसार मंगलबार बिहान सबै टोलीको कोरोना परीक्षण गरिने छ ।’
प्रशिक्षण र पत्रकार सम्मेलनको नयाँ समय आज तोकिने छ ।
