प्रिमियर लिग : लेस्टरसिटीसँग टोटेनहम हट्सपर पराजित

खबरहब
६ पुस २०७७, सोमबार

पढ्न लाग्ने समय : < 1 मिनेट

change font
change font
change font

एजेन्सी । इङ्लिस प्रिमियर लिग फुटबलमा लेस्टर सिटीले टोटेनहम हट्सपरलाई पराजित गरेको छ ।

टोटेनहमको घरेलु मैदानमा भएको खेलमा आइतबार राति लेस्टरले २–० को जित निकालेको हो ।

जेमी भार्डीले  पहिलो हाफको ईन्ज्युरी समयमा पेनाल्टीमा गोल गर्दै लेस्टरलाई अघि बढाएका थिए ।

खेलको ६०औँ मिनेटमा बल जोगाउने क्रममा टोटेनहमका डिफेन्डर टोबी एन्डेविरेल्डले आत्मघाति गोल गरेका थिए ।

जितसहित लेस्टर तालिकाको दोस्रो स्थानमा उक्लिएको छ । टोटेनहम २५ अंकसहित चौथो स्थानमा छ ।