लिभरपुलका स्टार स्ट्राइकर सेडियो मानेलाई कोरोना भाइरस (कोभिड-१९) संक्रमण पुष्टि भएको छ ।
संक्रमण पुष्टि भएसँगै सेलेगलका फरवार्ड माने अहिले सेल्फ आइसोलेसनमा छन् ।
कोरोनाको सामान्य लक्षण देखिए पनि उनको स्वास्थ्य अवस्था सामान्य रहेको बताइएको छ ।
यसैबीच, उनले इंलिस प्रिमियर लिगअन्तर्गत एस्टन भिल्लाविद्ध हुने लिभरपुलको खेल गुमाउने भएका छन् ।
लिगका सुरुवाती तीन खेलसम्म निरन्तर जित निकालेको लिभरपुलको अबको प्रदर्शन (स्टार खेलाडीहरु संक्रमित हुँदै जाँदा) खस्कन सक्नेछ ।
एस्टन भिल्लाविरुद्धको खेलमा थिएगो अल्कान्टारा नखेल्ने यसअघि नै तय थियो । उनलाई सोमबार कोरोना संक्रमण देखिएको थियो । सो खेल नखेल्ने खेलाडीको सूचीमा माने पनि थपिएका छन् ।
पछिल्लो चरणको परीक्षणका दौरान प्रिमियर लिगमा आबद्ध १० जना व्यक्तिहरुमा कोरोना भाइरस देखिएको छ ।
म्यानचेस्टर सिटीका इल्के गुन्डोगान, वेस्टह्यामका प्रशिक्षक डेभिड मोयसलगायतको नाम यसमा समावेश छ ।
