काठमाडौं । फुटबल क्लब रियल मड्रिडका पूर्वअध्यक्ष लोरेन्जो सान्जको मृत्यु भएको छ ।
कोरोना भाइरसको संक्रमणका कारण उनको निधन भएको हो ।
बुधबार अस्पताल भर्ना भएका ७६ वर्षीय लरेन्जोको उपचारका क्रममा शनिबार मृत्यु भएको हो ।
आफ्नो बुबाको उपचारका क्रममा शनिबार निधन भएको लोरेन्जोको छोरा फर्नान्डोले सामाजिक सञ्जालमार्फत जानकारी दिएका छन् ।
रियल मड्रिडले एक विज्ञप्ति जारी गर्दै आफ्ना पूर्वअध्यक्षको निधनप्रति दुःख व्यक्त गरेको छ ।
लोरेन्जोले सन् १९९५ देखि २००० सम्म ५ वर्ष रियल मड्रिडको अध्यक्ष पदमा थिए ।
उनको कार्यकालमा रियल मड्रिडले दुईपटक च्याम्पियन्स लिगको उपाधि जितेको थियो ।
