इलाममा जारी छैटौँ संस्करणको माईभ्याली गोल्डकपमा त्रिभुवन आर्मी लाई सडनडेथमा ५– ४ गोलले हराउँदै आयोजक माइभ्याली फुटबल क्लब  फाइनलमा प्रवेश गरेको छ ।

 फाइनलमा आयोजकले उपाधिका लागि ए डिभिजन लिग विजेता मछिन्द्र क्लबसँग शनिबार प्रतिस्पर्धा गर्नेछ । आयोजक पहिलो पटक फाइनल प्रवेश गरेको हो । बिहिबार ठुलो टुडिखेलमा भएको सेमिफाइनलको निर्धारित ९० मिनेट समय १-१ को बराबरीमा सकिएको थियो । अतिरिक्त समयमा पनि बराबरीमा सकिएपछि खेल टाइब्रेकरमा गएको थियो । 

माइभ्यालिका गोल रक्षक देब लिम्बु म्यान अफ दि म्याच बने । उनले नगर १५ हजार प्राप्त गरे ।  लिग च्याम्पियन मछिन्द्रसहित ए डिभिजनका ३ क्लब त्रिभुवन आर्मी क्लब, संकटाको सहभागिता रहेको प्रतियोगितामा १० टोलीको सहभागिता रहेको छ । फागुन २४ गते सम्म चल्ने गोल्डकपको विजेताले ८ लाख र दोस्रो हुने टोलीले ५ लाख रुपैयाँ प्राप्त गर्नेछ ।