पाँचथरमा बस दुर्घटना हुँदा मृत्यु हुनेको संख्या चार पुगेको छ। सोमबार बिहान ११ बजे फिदिम नगरपालिका वडा नम्बर ४ सखरखण्डेमा बस दुर्घटना हुँदा चार जनाको मृत्यु भएको प्रदेश नम्बर १ प्रहरी कार्यालयका प्रहरी उपरीक्षक नवीनराज राईले जानकारी दिए।

दुर्घटना हुँदा मृत्यु भएका ४ जनामा मोरङ लेटाङका ७ वर्षीय बालक प्रज्वल मगर, इलामकी ३४ वर्षीया महिला प्रमिला देवान, देवानकै ७ महिनाका छोरा निश्चल देवान र अर्का एक जना परिचय नखुलेकी महिला रहेका छन्।

प्रहरीका अनुसार मगरको पाथीभरा अस्पताल र बाँकी तीन जनाको समर्पित अस्पतालमा उपचारको क्रममा मृत्यु भएको थियो। गम्भीर घाइते भएका ११ जनालाई थप उपचारको लागि झापा पठाइएको छ।