काठमाडौंको दरबारमार्गस्थित होटल याक एण्ड यतिमा एक जना विदेशी नागरिक मृत फेला परेका छन् ।
होटलको १४२ कोठा नम्बरमा ४३ वर्षीय कतारी नागरिक अब्दुल नासिरको शव फेला परेको महानगरीय प्रहरी कार्यालय काठमाडौंका प्रमुख प्रहरी वरिष्ठ उपरीक्षक (एसएसपी) अशोक सिंहले जानकारी दिए ।
बन्द कोठा भित्र उनी मृत फेला परेको एसएसपी सिंहले बताए ।
सेप्टेम्बर २६ मा नेपाल आएका उनी त्यस बेलादेखि नेपालमै थिए ।
घटनाबारे कतारको काठमाडौंस्थित दूतावासलाई पनि जानकारी गराइसकेको एसएसपी सिंहले बताए ।
घटनाको थप अनुसन्धानका लागि प्रहरीको टोली घटनास्थल पुगेको छ ।
