सल्यानमा शुक्रबार दिउँसो बस दुर्घटना हुँदा १५ जना घाइते भएका छन् । दाङको तुल्सीपुरबाट रुकुम पश्चिम जाँदै गरेकाे १ ख १७९२ नम्बरको बस सल्यानको कपुरकोट गाउँपालिका ३ जुमपानीमा दुर्घटना भएको हो ।
दुर्घटनामा कपुरकोट गाउँपालिका-५ की यमकुमारी बोहरा,रेखा साहु, सीता बुढाथोकी, धनबहादुर रोका, तीला महतारा, दार्मा गाउँपालिका ६ का प्रवेश बस्नेत, त्रिवेणी गाउँपालिका २ रुकुमका जोगबहादुर खड्का, शारदा नगरपालिका १५ का ताराप्रसाद नाथ, शारदा नगरपालिका ६ की कृष्णा गौतम, कुमाख गाउँपालिकाका हिरे राना लगायत छन् ।
अनियन्त्रित भएर भित्तामा ठोक्किएको बस सडकमै पल्टिएको जिल्ला प्रहरी कार्यालय सल्यानले जनाएकाे छ । घाइते भएका सबैको राप्ती उपक्षेत्रीय अस्पताल तुल्सीपुरमा उपचार भइरहेको छ । बसमा २८ जना यात्रु सवार थिए ।
