‘सस्तो पनि, स्वस्थ्य पनि’ भन्ने नाराको साथ टोखामा मेरो किसान मार्ट सञ्चालनमा आएको छ । धापासी-८ टोखामा नेपाली साङ्गीतिक क्षेत्रका चर्चित गायक प्रकाश सपुतले मेराे किसान मार्टको उद्घाटन गरेका हुन् ।
मार्टमा नेपालको हुम्लामा पाइने स्याउदेखि जुम्मालामा पाईने मार्सी चामल लगायत अर्गानिक तरकारीहरु पाईनेछ । करिव ३० लाखभन्दा बढी लागतमा सञ्चालमा आएको मार्टमा १० रुपैयाँमा एक किलो गोलभेडा बिक्री भइरहेको मार्ट सञ्चालक विजय महतोले बताएका छन् ।
सञ्चालक महतोका अनुसार किसान र ग्राहकको बीच हुने विचौलियाले खाने कमिसनको अन्त्य गर्न गर्न मार्ट सञ्चालनमा ल्याइएकाे हाे । एक हप्तासम्म प्रत्येक आइटममा १५ देखि ५० प्रतिशतसम्म छुटको व्यवस्था गरिएको उनले बताए ।
