भक्तपुर । स्नोकर पुल हाउसभित्र जुवा खेलिरहेका १० जनालाई प्रहरीले पक्राउ गरेको छ ।
महानगरीय प्रहरी परिसरका अनुसार भक्तपुर नगरपालिका-५ भेलुखेलबाट १० जनालाई नगदसहित पक्राउ गरिएको हो ।
भेलुखेलका उत्तम देउवालाले सञ्चालन गरेको एमएस स्नोकर पुल हाउसमा जुवा खेलिरहेको बेला बिहीबार बेलुका प्रहरीले छापा मारेको थियो ।
पक्राउ पर्नेमा सुजित देउला, सरज देउवा, सुनिल देउला, शंकर पोडे, विक्रम अग्रवाल, धिरेन कुरुन्जु र दिनेश लामा छन् ।
जुवा अखडाबाट प्रहरीले एक लाख ८९ हजार ८५० रूपैयाँ बरामद गरेको प्रहरी उपरीक्षक शिवकुमार श्रेष्ठले बताए ।
पुल हाउस सञ्चालक देउवालले जुवा खेल्ने आवश्यक सामग्री तयार पार्ने गरेको र जुवा खेलाएर रकम उठाउने गरेको अनुसन्धानबाट खुलेको श्रेष्ठले बताए ।
पक्राउ परेका सबैलाई महानरीय प्रहरी वृत्त जगातीको हिरासतमा राखिएको छ ।
