काठमाडौं । प्रहरीले ब्राउनसुगरसहित काठमाडौंबाट दुई जनालाई पक्राउ गरेको छ ।
पक्राउ पर्नेमा काठमाडौं धारापाटीमा डेरा गरी बस्ने बाँके नेपालगञ्ज उपमहानगरपालिका–२ का २३ वर्षीय सुवास बराल र बाँके नैनापुर गाउँपालिका–२ का ३५ वर्षीय मोबिल जोलाहा रहेका छन् ।
उनीहरुलाई महानगरीय प्रहरी वृत्त महाराजगञ्जको टोलीले पक्राउ गरेको हो ।
उनीहरूको साथबाट २० ग्राम ब्राउनसुगर फेला परेको प्रहरीले जनाएको छ ।
प्रहरीले लागुऔषध जोख्ने तराजु, मोबाइल तीन थान, नेपाली ८२ हजार रुपैयाँ र भारु ९ हजार नगद समेत बरामद गरेको छ ।
