काठमाडौं । मोटरसाइकलमाथि पुरुषको शंकास्पद शव भेटिएको छ । विराटनगरमा रोकिराखेको मोटरसाइकलमाथि एक पुरुषको को शव भेटिएको प्रहरीले जनाएको छ ।
सोमबार राति विराटनगर महानगरपालिका – ५ बिजुली अफिस चोकस्थीत को ४ प २३१६ नम्बरको मोटरसाइकलमा बसेको जस्तै अवस्थामा शव भेटिएको हो ।
उक्त मोटरसाइकलमा मृत भेटिएका व्यक्ति विराटनगर – ५ मुनालपथका ६७ वर्षीय सुदर्शन न्यौपाने रहेको प्रहरीले जनाएको छ ।
ती पुरुषको शव भेटिएपछि प्रहरीले पोष्टमार्टमका लागि कोशी अस्पताल विराटनगर पठाएको बताइएको छ । मोटरसाइकलमा बसेको जस्तै अवस्थामा शव भेटिए पनि घटना शंकास्पद रहेको प्रहरीले जनाएको छ ।
मृतकले लगाएको पेन्ट च्यातिएको र दाहिने हातमा चोट देखिएपछि प्रहरीले गम्भीर अनुसन्धान गरेको जनाएको छ ।
