काठमाडौं । जाजरकोटमा हावाहुरीले बेपत्ता भएका सात जना भेटिएका छन् ।
मंगलबार भैँसी, गाइ र बाख्रा लिएर चरिचरण क्षेत्र जलजला पाटनमा गएर बेपत्ता भएका सात जना भेटिएको प्रहरीले जनाएको छ ।
उनीहरुलाई प्रहरी र स्थानीयले फेला पारेर आगो तपाउने र आवश्यक खाना खुवाउने काम भइरहेको बताइएको छ ।
मंगलबारदेखि बेपत्ता भएका कुशे गाउँपालिका औलरिजाका ३५ वर्षीय दिलबहादुर खड्का, २५ वर्षीय विक्रम खड्का, २८ वर्षीया चन्द्रा खड्का, १८ वर्षीय भविन्द्र खड्का, १२ वर्षीय मीम खड्का, १७ वर्षीया धनसरा खड्का र वडा नं ९ का ४० वर्षीय कृष्ण रोकाय शुक्रबार (आज) विहान भेटिएको प्रहरीले जनाएको छ ।
