बारा । जन्ती बोकेको बस दुर्घटना हुँदा १९ जना घाइते भएका छन् । रौतहटको गुजरा नगरपालिकास्थित खतवैयाबाट जन्ती सवार सो बस बाराको मानमत कलैया सडकखण्डको जितपुर सिमरा उपमहानगरपालिका १६मा दर्घटना हुँदा उल्लेखित संख्यामा मानिसहरु घाइते भएका हुन् ।
ना४ख ४७४९ नम्बरको बस अनियन्त्रित भएर सडकको बाँया पट्टि खेतमा पल्टिएको प्रहरीले जनाएको छ । ४० जना सवार रहेको बसमा ५ जना गम्भीर घाइते भएका छन् ।घाइते हुनेमा बालबालिका समेत छन् ।
प्रहरीका अनुसार घाइतेलाई उपचारका लागि वीरगन्ज लगिएको छ। अन्य सामान्य आठ घाइतेलाई उपचारका लागि जिल्ला अस्पताल कलैया पठाइएको छ ।
प्रहरीले बस चालक रौतहट चंद्रपुर-८ का ३० वर्षीय अकलेश चौधरी बसलाई जैतापुर प्रहरीको नियन्त्रणमा थप अनुसन्धान थालेको छ ।
