प्यूठानको पवित्र तिर्थस्थल स्वर्गद्वारी दर्शन गर्न जाँदै गरेको लु १ च १६५५ नम्बरको जिप दुर्घटना भएको छ । बुधबार बिहान स्वर्गद्वारी मन्दिर नजिकैको रुमालेमा जिप दुर्घटना हुँदा घटनास्थलमा दुईजनाको ज्यान गएको छ । 

गाडीमा १५ जना सवार रहेको बताइएको छ । उद्दारका लागि घटनास्थलमा स्थानीयबासी, नेपाल प्रहरी, नेपाली सेना परिचालन गरिएको प्यूठानका प्रमुख जिल्ला अधिकारी खिमराज भुसालले जानकारी दिए ।