काठमाडौं । राष्ट्रिय जल तथा मौसम पूर्वानुमान महाशाखाले आज (मंगलबार) देशभर मौसमको प्रभावबारे विवरण सार्वजनिक गरेको छ ।
महाशाखाका अनुसार आज बिहानैदेखि देशका केही स्थानमा मौसम पहिलेको तुलनामा सामान्य परिवर्तन भइ केही स्थानमा सफा र उच्च पहाडी क्षेत्रमा हल्का हिमपात र वर्षाको सम्भावना रहेको छ ।
त्यस्तै, दिउँसो पनि देशका पहाडी भू–भागमा आंशिकदेखि सामान्य बदली रही बाँकी भू–भागमा मौसम सफा रहने छ । साथै, पहाडी भू–भागका एक–दुई स्थानमा अपरान्हपछि मेघगर्जन र चट्याङसहित क्षणिक वर्षाको सम्भावना रहेको छ भने देशका केही भू–भागमा तुँवालोको असर रहने छ ।
यसैगरी राति पनि देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।
