काठमाडौं । दार्चुलामा जिप दुर्घटना हुँदा चालकसहित तीन जनाको मृत्यु भएको छ।
शैल्यशिखर नगरपालिका–८ अमतोलीबाट लेकम गाउँपालिका–४ रिठाचौपातातर्फ जाँदै गरेको ग. ३ च १६९३ नम्बरको को जिप दुर्घटना शनिबार साँझ दुर्घटना हुँदा उनीहरुको मृत्यु भएको हो ।
प्रहरीका अनुसार जिप लेकम गाउँपालिका–६ स्थित उचकोट भन्ने स्थानमा कच्ची सडकखण्डबाट अन्दाजी १०० मिटर तल खसेको छ ।
प्रदेश प्रहरी कार्यालयका अनुसार जिपमा सवार–७ जनामध्ये ३ जनाको घटनास्थलमा मृत्यु भएको र ४ जना घाइते भएका छन् ।
दुर्घटनामा परी मृत्यु हुनेमा जिपचालक चालक ३८ वर्षीय करन नाथ, शैल्यशिखर नगरपालिका–८ की ७० वर्षीया सुनादेवी पन्त र सोही ठाउँका ४० वर्षीय पदमराज पन्त छन्। घाइते हुनेमा शैल्यशिखर नगरपालिका–८ का ७२ वर्षीय बुद्धि बल्लभ पन्त, पदम राज पन्तका छोराहरु वर्ष १२ का मुकेश पन्त र ७ वर्षीय वसन्त पन्त र ७० वर्षीय गंगादेवी पन्त छन्। घाइतेहरुलाई उपचारका लागि गोकुलेश्वर अस्पताल लगिएको छ ।
