त्रिभुवन विश्व विद्यालयले स्नातक तह तेस्रो वर्षको गणित विषयको परीक्षामा गलत प्रश्न-पत्र वितरण भएपछि आजको परीक्षा रद्द गरेको छ ।
त्रिविले वि.एड. तेस्रो वर्षको मूख्य विषय गणितको ‘एनलाइटिकल ज्योमेट्री (४३४)को परीक्षा तालिका भए पनि परीक्षार्थीलाई पहिलो वर्षको ‘क्याल्कुलश’ विषयको प्रश्न समावेश प्रश्न–पत्र वितरण गरेको थियो ।
गलत प्रश्न–पत्र वितरण भएपछि विद्यार्थीहरूले विरोध जनाएका कारण परीक्षा नियन्त्रण कार्यालय वल्खुले परीक्षा रद्द गरेको हो । त्रिविले विद्यार्थीको भविष्यमाथि खेलवाड गरेको भन्दै विद्यार्थीले केहीबेर परीक्षा नियन्त्रण कार्यालय वल्खु पुगेर विरोध प्रदर्शन समेत गरेका थिए ।
