काठमाडौं । प्रहरीले ससुराको हत्या गरेको आरोपमा बुहारीलाई पक्राउ गरेको छ । गुल्मी जिल्लाको रुरुक्षेत्र गाउँपालिका– ३ निवासी ४२ वर्षीया मनकला ज्ञवालीलाई प्रहरीले पक्राउ गरेको हो ।

जिल्ला प्रहरी कार्यालय गुल्मीका अनुसार गत शनिबार राति ८७ वर्षीय ससुरा नन्दकुमार ज्ञवालीको हत्या गरेको आरोपमा पक्राउ गरिएको हो ।

पक्राउ परेकी बुहारी मनकलालाई जिल्ला अदालत गुल्मीबाट म्याद थप गरी हिरासतमा राखेर अनुसन्धान भइरहेको प्रहरीले जनाएको छ ।