काठमाडौं । मोरङ कानेपोखरी गाउँपालिका–७ मा शिक्षकमाथि धामीझाँक्रीको समूहबाट कुटपिट भएको छ ।
बिरामी व्यक्तिलाई झारफुकमार्फत् निको बनाउने भन्दै धामीझाँक्रीको समूहले शिक्षक ३३ वर्षीय भीमकाजी गुरुङलाई निर्घात कुटपिट गरेका हुन् । उनी स्थानीय निजी विद्यालयमा पढउँदै आएका छन् । बिपी कोइराला स्वास्थ्य विज्ञान प्रतिष्ठान धरानमा उपचारपछि उनलाई घर फर्काइएको छ ।
सात वर्षअघि उनलाई मानसिक समस्या देखापरेको थियो । ६ वर्षयता नियमित औषधि सेवन गरिरहेका उनलाई झाँक्रीले निको पार्ने भन्दै कुटपिट गरेका थिए ।
