काठमाडौं । राष्ट्रिय जल तथा मौसम पूर्वानुमान महाशाखाले आज (बिहीबार) देशभर मौसमको प्रभावबारे विवरण सार्वजनिक गरेको छ ।
महाशाखाका अनुसार आज मौसममा परिवर्तन भइ देशका धेरै स्थानमा सफा रहनेछ भने उच्च पहाडी जिल्लाहमा हल्का हिमपातको सम्भावना रहेको छ ।
त्यस्तै, दिउँसो पनि प्रदेश २ र प्रदेश ३ लगायत देशका केही पहाडी भू–भागहरुमा आंशिकदेखि सामान्य बदली रही पहाडी भू–भागका थोरै स्थानमा हल्का वर्षा हुने सम्भावना रहेको छ ।
साथै, देशका उच्च पहाडी तथा हिमाली भू–भागका थोरै स्थानमा हल्का हिमपातको सम्भावना रहेको छ ।
यसैगरी, राति पनि प्रदेश १ मा आंशिक बदली रही बाँकी प्रदेशहरुमा मौसम सामान्यतया सफा रहने छ भने उच्च पहाडी तथा हिमाली भू–भागका केही स्थानहरुमा हल्का हिमपातको सम्भावना रहेको जल तथा मौसम पूर्वानुमान महाशाखाले जलाएको छ ।
