काठमाडौं । आज राति काठमाडौंको तारकेश्वर नगरपालिका– ८ स्थित मनमैजु फुटुङको एक उद्योगमा भीषण आगलागी भएको छ । पानपराग उद्योगमा राति करिब साढे १ बजे सुरु भएको आगो अहिले बिहान मात्रै नियन्त्रणमा आएको प्रहरीले जनाएको छ ।
आगो नियन्त्रणमा लिन काठमाडौं, ललितपुर र भक्तपुरबाट दमकल परिचालन गरिएको बालाजु प्रहरीले जनाएको छ । प्रहरीका अनुसार पानपराग बनाउने कच्चा पदार्थ र ६ वटा मेसिन जलेर नष्ट भएको छ । उक्त घटनाबारे अनुसन्धान भइरहेको छ ।