काठमाडौं । बन्चरो प्रहार गरी श्रीमतीको हत्या गर्ने श्रीमानलाई प्रहरीले पक्राउ गरेको छ ।
पक्राउ पर्नेमा पर्वतको जलजला गाउँपालिका–७ धाईरिङ घर भई हाल कास्कीको पोखरा महानगरपालिका–३३ उपल्लो पुँडीमा बस्दै आएका ५० वर्षिय गमबहादुर पुन रहेको जिल्ला प्रहरी कार्यालय कास्कीले जनाएको छ ।
प्रहरीका अनुसार शुक्रबार श्रीमती ४२ वर्षीया हरिमाया पुन आफ्नै सुत्ने कोठामा मृत फेला परेकी थिइन् ।
इलाका प्रहरी कार्यालय शिसुवा डाँडाबाट खटिएका टोलीले गमबहादुरलाई अनुसन्धानका लागि पोखरा–३३ लामगादीबाट पक्राउ गरेको प्रहरीको भनाइ छ ।
बिहीबार समयमै खाना नबनाएको विषयमा झगडा भएपछि गमबहादुरले श्रीमतीलाई बञ्चरो प्रहार गरेको प्रहरीले जनाएको छ ।