कैलाली । ट्याक्टरको पछाडिबाट मोटरसाइकल ठोक्किएर भएको दुर्घटनामा कैलालीका दुई जनाको मृत्यु भएको छ ।
घोडाघाडी नगरपालिका–१० मा शनिबार राति ट्याक्टरको पछाडि मोटरसाइकल ठोक्किएको थियो ।
मृत्यु हुनेमा मोटरसाइकलमा सवार २२ वर्षीय गोविन्द बुढा र १७ वर्षीय मानबहादुर बुढा रहेका छन् ।
शनिबार राति ११ बजेतिर म १ त ५४२ नम्बरको ट्याक्टरको पछाडि बा ९१ प ४०४ नम्बरको मोटरसाइकल ठोक्किएको थियो ।दुर्घटनामा गम्भीर घाइते गोविन्द र मानबहादुरको घोडाघोडी अस्पतालमा उपचारको क्रममा मृत्यु भएको प्रहरीले जनाएको छ ।
