काठमाडौं । काठमाडौंको महाराजगञ्जस्थित पवित्रनगरमा नवजात शिशु फेला परेको छ ।
पवित्रनगरस्थित झाडीमा बुधबार बिहान नवजात शिशु फेला परेको महानगरीय प्रहरी परिसर काठमाडौंका डिएसपी प्रमेश विष्टले जानकारी दिए ।
स्थानीयले बिहानै झाडीमा बच्चा रोएको सुने । गएर हेर्दा भर्खरै जन्मेको शिशु देखेपछि स्थानीयले प्रहरीलाई खबर गरेको थिए ।
नवजात शिशुको अहिले कान्तिबाल अस्पतालमा उपचार भइरहेको प्रहरीले जनाएको छ ।
प्रहरीले झाडीमा शिशु लगेर फाल्ने २० वर्षीय महिलालाई नियन्त्रणमा लिएको छ । उनी महाराजगञ्ज क्षेत्रमा डेरागरी बस्दै आएको प्रहरीले जनाएको छ ।
प्रहरीका अनुसार महिला अविवाहित हुन् । उनको पनि कान्तिबाल अस्पतालमा उपचार भइरहेको छ ।
घटनाबारेमा थप अनुसन्धान भइरहेको प्रहरीले जनाएको छ ।
