कैलाली । धनगढी उपमहानगरपालिकामा मोटरसाइकल दुर्घटनामा एक प्रहरी जवानको मृत्यु भएको छ ।
धनगढीको मनहेरामा खाल्डोमा बिहीबार बिहान मृत फेला परेका व्यक्ति जिल्ला कारागार कैलालीमा कार्यरत प्रहरी जवान जीवन चौधरी रहेको खुलेको छ ।
मनहेरा क्षेत्रस्थित हुलाकी सडकमा निर्माणाधीन कल्भर्टमा मोटरसाइकल दुर्घटना हुँदा उनको मृत्यु भएको प्रहरीले जनाएको छ ।
घटनाबारे बुझ्दै जाँदा चौधरी घर फर्किने क्रममा दुर्घटनामा परेको खुलेको जिल्ला प्रहरी कार्यालय कैलालीका प्रहरी निरीक्षक हिक्मत थापाले बताए ।
चौधरी सवार मोटरसाइकल पनि दुर्घटनाग्रस्त अवस्थामा भेटिएको छ। घटनाबारे थप अनुसन्धान भइरहेको प्रहरीले जनाएको छ ।
प्रहरी जवान चौधरी कैलालीकै गौरीगंगा नगरपालिका १० का स्थानीय हुन् ।
