विराटनगर । झापाको केरखाबाट विराटनगरको लागि छुटेको बसभित्र एक युवक मृत भेटिएका छन् ।
आइतबार बिहान केरखाबाट बस चढेका २६ वर्षीय युवक बसभित्रै मृत भेटिएका हुन् ।
उनी जनसेवा यातायात प्रालिको मे १ ख ३३३३ नम्बरको बसमा चढेका थिए ।
विराटनगर बसपार्कमा सबै यात्रु ओर्लिएपछि उनी उत्रिएनन् ।
बसका कर्मचारीले हेर्दा मृत भेटिएपछि प्रहरीलाई खबर गरेका थिए ।
प्रहरीका अनुसार युवक मिर्गौला रोगी हुन् । उनी उपचारका लागि विराटनगरको नेशनल किड्नी सेन्टरमा आएका थिए ।
