पोखरा । कास्कीको मादी गाउँपालिका वडा नं ५, चितेपानी निवासी ५४ वर्षीय लेखनाथ अधिकारी बिहीबार मृत फेला परेका छन् ।
पुस ६ गते मर्निङ वाकमा निस्केका उनी हप्तािदनसम्म घर नफर्केपछि परिवारजनले खोजी गर्दा पनि भेटिएका थिएनन् ।
बिहान गाउँकै एक महिला घाँस काट्न जाँदा उनी रुखमा झुन्डिएको अवस्थामा भेटिएको आफन्तले जनाएका छन् ।
बेपत्ता हुनु एक साताअघि उनको पायल्सको अप्रेसनसमेत गरिएको उनका भाइ नमराज अधिकारीले बताए ।
शल्यक्रियापछि निकै पीडा भएपछि उनले यस्तो सहेर बस्नुभन्दा बरु मर्नु नै बेस भन्ने गरेको उनीसँग भेट हुनेहरुले बताएका छन् ।
उनी बेपत्ता भएपछि जिल्ला प्रहरी कार्यालयबाट तालिमप्राप्त कुकुरको समेत सहयोगमा मादी क्षेत्रमा खोजतलास गरिएको थियो ।
धनुवास मावि, मादी–७ छाचोकका पूर्वशिक्षक अधिकारीका श्रीमती र ३ छोरी छन् ।
