काठमाडौंमा चक्कु प्रहार गरी एक व्यक्तिमाथि लुटपाट भएको छ ।
काठमाडौको टोखा नगरपालिका–९ दीपज्योतीमा चक्कु प्रहार गरी मोबाइल लुटपाट गरिएको हो ।
प्रहरीका अनुसार, सुर्खेत गुरुवाकोट नगरपालिका–६ घर भएका ती पुरुषको बुधबार राति मोबाइल लुटपाट भएको हो ।
४/५ जनाको समूहमा आएका अपरिचित व्यक्तिको समूहले ती पुरुषसहित दुई जनलाई चक्कु प्रहार गरी घाइते बनाएको र उनको साथमा रहेको मोबाइल लुटपाट गरी फरार भएका थिए ।
प्रहरीले दुई व्यक्तिमाथि चक्कु प्रहार गरेको भए पनि मोबाइल भने एक जनाको मात्रै लुटिएको जनाएको छ ।
लुटपाटको खबर पाउनासाथ महानगरीय प्रहरी प्रभाग गोंगबुबाट खटिएको प्रहरीले लुटेराहरुको खोजी गरिरहेको छ ।
चक्कु प्रहारबाट घाइते भएका दुई जनाको त्रिवि शिक्षण अस्पताल महाराजगन्जमा उपचार भइरहेको छ ।
