काठमाडौं । वरिष्ठ वामपन्थी नेता शसी शेरचन (स्वनाम साथी) को निधन भएको छ ।
स्वनामको शुक्रबार साँझ काठमाडौंको मोडल अस्पतालमा निधन भएको प्रगतिशील लेखक संघका पूर्व अध्यक्ष मातृका पोखरेलले जानकारी दिए ।
केही दिनदेखि बिरामी भएका उनले मोडलमा उपचार गराइरहेका थिए ।
निमोनियासँगै कोरोना संक्रमण भएका उनी उपचारका क्रममा संक्रमणमुक्त भएका थिए ।
वामपन्थी आन्दोलनमा क्रियाशील स्वनामले पछिलो समय सीमा बचाऔँ अभियानको नेतृत्व गरिरहेका थिए ।
उनी नेकपा (मसाल) का पोलिटब्युरो सदस्य थिए । उनी आस्थाका हिसाबले सत्ताधारी नेकपासँग नजिक थिए ।
