काठमाडौं । काठमाडौंको चन्द्रागिरिमा सवारी दुर्घटना हुँदा दुई जनाको मृत्यु भएको छ ।
मृत्यु हुनेमा सिन्धुली कमलामाई नगरपालिका–१ घर भएका २३ वर्षीय मनिष कार्की र सिन्धुली मरिनखोला गाउँपालिका–७ का २४ वर्षीय मानकुमार माझी रहेको प्रहरी प्रधान कार्यालयले जनाएको छ ।
चन्द्रागिरि नगरपालिका–२ स्थित सडकमा ना २ क ३२३ नम्बरको निसान गाडी अनियन्त्रित भइ पल्टिएको थियो ।
दुर्घटनामा उनीहरुको घटनास्थलमै मृत्यु भएको हो ।
गाडी सडकदेखि २५० मिटर तल खसेको छ ।
गाडीका चालक फरार रहेको र उनको खोजी भइरहेको प्रहरीले जनाएको छ ।
