भारतको आग्रामा भएको सडक दुर्घटनामा तीन जना नेपालीको मृत्यु भएको छ ।
मंगलबार राति दिल्लीबाट सुनौली आउन लागेको कार आग्रा एक्सप्रेस वेमा ट्रकसँग ठोक्किँदा तीन जनाको मृत्यु भएको बताइएको छ ।
दुई जनाको घटना स्थलमै र एक जनाको अस्पतालमा उपचारका क्रममा मृत्यु भएको हो ।
सात जना सवार उक्त कारमा रहेका अन्य चार जना घाइते भएका छन् ।
घाइतेमध्ये दुई जनाको दिल्लीमा र दुई जनाको स्थानीय कृष्ण अस्पतालमा उपचार भइरहेको नमस्ते-सुपा देउराली टुरका सञ्चालक दिल खत्रीले जानकारी दिए ।
घाइतेमध्ये एक जनाको अवस्था सामान्य छ । मृतकमध्ये अहिलेसम्म एक जनाको मात्रै सनाखत भएको छ ।
