भारतको विहार राज्यमा भएको निर्वाचनमा रक्सौलका प्रमोद सिन्हा विजयी भएका छन् ।
सीमावर्ती सहर रक्सौलबाट उम्मेदवारी दिएका बिजेपी नेता सिन्हाले कांग्रेसका सुरेश यादवलाई पराजित गरेका हुन् ।
विधानसभा चुनावमा सिन्हाले ४४ हजार ४३ मत प्राप्त गरी विजयी भएका हुन् । प्रतिद्वन्द्वी यादवले १८ हजार २०३ मत मात्रै प्राप्त गरे ।
विजयी सिन्हाका भाई अशोक सिन्हाको गत कार्तिक १ गते वीरगन्जको रेश्मकोटीस्थित श्री गणेश एपार्टमेन्टबाट अवैध रुपमा २३ केजी २३७ ग्रामको सुन र झन्डै दुई किलो २६२ ग्राम चाँदी बरामद भएको थियो ।
अशोक अझै फरार छन् ।
प्रमोदको चुनाव खर्च जुटाउन उनका भाइ अशोकले सुन तस्करी गर्न खोजेको शंका गरिए पनि त्यसको पुष्टि हुन सकेको छैन ।
झन्डै १९ करोड मूल्य बराबरको सुन राजस्व कार्यालयमा बुझाइसकिएको छ ।
