विराटनगर । जनता समाजवादी पार्टी (जसपा) का नेता गजेन्द्रबहादुर लिम्बु (इस्बो) कोरोना संक्रमणका कारण मृत्यु भएको छ ।
असोज २७ गते उनमा कोरोना संक्रमण पुष्टि भएको थियो ।
स्वास्थ्यमा थप समस्या देखिएपछि उनलाई कार्तिक १२ गते न्यूरो अस्पताल विराटनगरमा भर्ना गरिएको थियो ।
निमोनियाको समस्या देखिएका उनको मंगलबार बिहान साढे तीन बजे मृत्यु भएको अस्पतालले जानकारी दिएको छ
भूतपूर्व ब्रिटिस गोर्खा सैनिक संघका पूर्व अध्यक्ष समेत रहेका ६३ वर्षीय इस्बो समाजवादी पार्टीका नेता हुन् ।
उनी धरान उपमहानगरपालिकाको उपनिर्वाचनमा मेयरको उम्मेदवार बनेका थिए ।
उनी जनता समाजवादी पार्टीको लिम्बुवान राष्ट्रिय समितिको उपाध्यक्ष हुन् ।
