बारामा प्रहरी र तस्कर समूहबीच झडप हुँदा १४ वर्षीय बालकसहित तीन जना प्रहरी घाइते भएका छन्।
सुवर्णपुर गाउँपालिकामा सोमबार राति भएको झडपमा प्रहरीले स्थितिलाई नियन्त्रणमा लिन १२ राउन्ड हवाइफायर गरेको थियो । हवाइफायर गर्दा बालकलाई टाउकोमा लागेको प्रहरीले जनाएकाे छ ।
'तस्करीको सामान नियन्त्रणमा लिँदा स्थानीयले अवरोध गरेर प्रहरीमाथि आक्रमण गरेपछि क्रममा १२ राउन्ड हवाईफायर भएको प्रहरीले जनाएकाे छ । बालकको हाल बयोधा अस्पतालमा उपचार भइरहेको छ । उनको टाउको अपरेशन गरिएको छ ।
त्यस्तै एक जना सई सहित घाइते तीन प्रहरीको कलैया अस्पतालमा उपचार भइरहेको छ ।
