नेपालका लागि चिनियाँ राजदूत होउ यान्छीले रेशम फिरिरि बाेलकाे नेपाली गीत गाउँदै दसैँको शुभकामना सन्देश दिएकी छन् ।
उनले साढे २ मिनेट लामाे आफ्नै आवाजमा मिक्सिङ गरिएकाे गीत पोस्ट गर्दै दशैँकाे शुभकामना समेत दिएकी छन् । उनकाे साथमा सहकर्मीहरूकाे पनि आवाज रहेकाे उल्लेख छ ।
राजदूत यान्छीले सामाजिक सञ्जालमा भिडियो पोष्ट गर्दै लेखेकी छिन्, ‘ मेरा सहकर्मीहरू र मैले नेपाली गीत रेशम फिरिरि अभ्यास गर्यौं र अन्तमा हामी गाउन सफल भएका छौं । सबैलाई शौभाग्य र खुशी ल्याओस् ।’
