दुबइमा जारी इण्डियन प्रिमियर लिग (आईपीएल) अन्तर्गत आज जारी खेलमा दिल्ली क्यापिटल्सलाई कोलकता नाइट राइडर्सले १९५ रनको विशाल लक्ष्य दिएकाे छ ।
खराब सुरुवात गरेको कोलकाताका लागि नराइन र रानाले अर्धशतकीय पारी खेले । अबुधाबीस्थित शेख जायेद स्टेडियममा जारी खेलमा टस हारेर ब्याटिङमा उत्रिएको कोलकताले ६ विकेटको क्षतिमा १९४ रन बनाएको हो ।
राहुल त्रिपाठीले १३ रन जोड्दा सुभमन गिल ९ र दिनेश कार्तिक तीन रनमा पेभिलियन फर्किएका थिए । कप्तान इयोन मोर्गन १७ रनमा अविजित रहे ।
कोलकताका लागि नितिस रानाले सर्वाधिक ८१ रन बनाउँदा सुनिल नारिनले ६४ रन जोडे । उता दिल्लीका लागि मार्कस स्टोइनिस, एनरिच नोर्टजे र कागिसो रबाडाले समान २/२ विकेट लिए।
