धनगढी । कैलालीमा भएको छुट्टाछुट्टै दुर्घटनामा दुई जनाको मृत्यु भएको छ । दुर्घटनामा तीन जना घाईते भएका छन् ।
कैलालीमा मोटरसाइकल दुर्घटना हुँदा एक जनाको मृत्यु भएको हो । मोटरसाइकल दुर्घटनामा दुई जना घाइते भएका छन् ।
पूर्वपश्चिम राजमार्ग अन्तर्गत चिसापानीमा मोटरसाइकल अनियन्त्रित भई दुर्घटना हुँदा लम्कीचुहा नगरपालिका १ का रंगप्रसाद न्यौपानेको मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।
न्यौपानेले चलाएको सुप प्र ०१००८ प १६२५ नम्बरको मोटरसाइकल अनियन्त्रित भएर दुर्घटना हुँदा घाइते भएपछि उपचारका लागि लालरत्न अस्पताल लगिएको मा त्यहाँ उपचारकै क्रममा उनको बुधबार राति मृत्यु भएको हो ।
सोही मोटरसाइकलमा सवार लम्कीचुहा नगरपालिका वडा नम्बर १ कै ३९ वर्षीय जयप्रकाश न्यौपोने र ५० वर्षीय जन्मजय न्यौपाने घाइते भएका छन् । उनीहरुको लालरत्न अस्पतालमा उपचार भइरहेको छ । उनीहरुको अवस्था मध्यम रहेको प्रहरीले जनाएको छ।
यस्तै, बसको ठक्करबाट लम्कीचुहा नगरपालिका ९ की ३५ वर्षिया भागरथी रेग्मीको मृत्यु भएको छ ।
बर्दगोरिया गाउँपालिका ४, चमेलीपुरमा सुदूरपश्चिम प्रदेश ००१ ख २३०९ नम्बर मोटरसाईकमा सवार रेग्मीलाई सोही दिशातर्फ गईरहेको से १ प ९५७ नम्बरको बसले ठक्कर दिएको थियो ।
मोटरसाईकलका चालक लम्कीचुहा नगरपालिका ९, प्रतापुरका रामबहादुर चौधरी घाइते भएको प्रहरीले जनाएको छ। उनको घोडाघोडी अस्पताल सुखडमा उपचार भइरहेको छ ।
ठक्कर दिने बसका चालक खकेन्द्र अधिकारीलाई प्रहरीले नियन्त्रणमा लिएको इलाका प्रहरी कार्यलय सुखडका पमुख प्रहरी नायव उपरीक्षक सागर बोहराले जानकारी दिए ।
रेग्मी नेपाली कांग्रेसकी कैलाली क्षेत्र नम्बर २ की क्षेत्रीय कोषाध्यक्ष हुन् ।
