काठमाडौं महानगर प्रमुख विद्यासुन्दर शाक्यले चावहिलको आकाशेपुल उद्घाटन गरेका छन् ।
बोलपत्रबाट छनोट भएको कान्छामान निर्माण सेवाले निर्माण गरेको सो पुल बुधबार मेयर शाक्यले उद्घाटन गरेका हुन् ।
पुल निर्माण काम २०७७ असारमै सक्नुपर्ने भए पनि विविध कारणले तोकिएको समयमा पूरा हुन सकेको थिएन ।
पुलको लम्बाइ २३ मिटर र चौडाइ दुई मिटरको भएको बताइएको छ ।
महानगरका मेयर शाक्यले मित्रपार्कबाट पशुपति जाने क्षेत्रका स्थानीयले माग गरेको बताए ।
