काठमाडौैं । बहराइनका राजकुमारसहितको टोलीले लोबुचे हिमाल सफलतापूर्वक आरोहण गरेको छ ।
सो टोलीले ६ हजार १९ मिटर अग्लो लोबुचे हिमाल शनिबार सफलतापूर्वक आरोहण गरेको हो । सगरमाथा आरोहणका लागि नेपाल भ्रमणमा रहेका उनीहरुले सो हिमाल शनिबार बिहान ८ बजेर ५० मिनेटमा आरोहण गरेका हुन् ।
लकडाउनका कारण नेपालको पर्यावरण यात्रा ओझेलमा परेका बेला यो सिजनको पहिलो हिमाल आरोहण नै यही हो । राजकुमारसहितको सो टोली हिमाल आरोहणका लागि गत भदौ ३१ गते काठमाडौं आएको थियो ।
उक्त टोलीमा १५ जना बहराइनी र ३ जना बेलायती नागरिक छन् । टोलीले मनास्लु र लोबुचे हिमाल आरोहणको अनुमति पाएको छ ।उनीहरु करिब दुई महिना नेपाल बस्नेछन् ।