महानगरीय अपराध महाशाखाले कलंकीस्थित लिंक मार्ग सुनारगाउँ, बाफलको दुई घरबाट ठूलो परिमाणमा मिति गुज्रेको स्नेकर, ट्याङ र ओरियो बिस्कुट लगायत दैनिक जीवनमा प्रयोग हुने सामग्री बरामद गरेको छ ।
आइएन डिस्टिब्यूर्टसबाट मिति गुज्रेको सामानलाई स्टिकर टाँस गर्दै मिति मेटाएर नयाँ मिति राखेर बजार पठाउने सामग्री बरामद गरिएको महाशाखाका एसएसपी दीपक थापाले बताए ।
आइएन डिस्टिब्यूर्टसका सञ्चालक रौनक गोथ्रालाई बाफल र पुष्पा देवी अग्रवाल पुतलीसडकबाट पक्राउ गरिएको हो । वाणिज्य आपूर्ति उपभोक्ता संरक्षण विभाग, जिल्ला प्रशासन कार्यालय र अपराध महाशाखाको टोलीले कंलकीको ५ वटा कोठामा राखिएको सामान र बाफलमा रहेको गोदाममा मुचुल्का उठाएर सिल गरेको छ ।
त्यस्तै आइएन डिस्टिब्यूर्टसका स्टोर किपर रौतहटका पप्पु शर्मा, महोत्तरीका श्याम प्रसाद सिंह र रौतहटका मुन्ना ठाकुर पनि पक्राउ परेका छन् । प्रहरीले सामानसँगै स्टिकर बनाउने मेसिन समेत बरामद गरेको छ ।
महाशाखाको टोलीले तीन वटा गोदाममा रहेका हजारौ सामग्री म्याद नाघेका र म्याद नाघेका सामग्रीहरूलाई पुनः स्टिकर टास गर्दै म्याद थप गरेको पाईएकोले बजारमा ठूलो परिणाममा यस्ता म्याद गुज्रिएको सामग्री विक्री वितरण भईरहेको महाशाखाका एसपी ईश्वर कार्कीले बताए ।
वाणिज्य आपूर्ति उपभोक्ता संरक्षण विभाग, जिल्ला प्रशासन कार्यालय र अपराध महाशाखाको टोलीले गोदामा छापा हान्दा म्याद नाघेका र म्याद नाघेका सामग्रीमा पुनः लेवलिङ गरी सामग्री बजार रडिपार्टमेन्ट स्टोर पठाएको देखेर उनीहरु चकित परेका थिए ।
म्याद नाघेर पुनः नयाँ म्याद राख्दै गर्दा गर्दा प्रहरीले उक्त गोदाममा छापा मारेको हो ।
