त्रिशूलीमा खसेको पेट्रोल ट्याङ्करका चालक र सहचालक सम्पर्कमा आएका छन् । आइतबार बिहान पेट्रोल बोकेको ट्याङ्कर जिल्लाको गल्छी गाउँपालिका–६ चरौँदीबाट त्रिशूली नदीमा खसेसँगै सम्पर्कविच्छेद भएका उनीहरु सम्पर्कमा आएका हुन् ।
प्रहरीका अनुसार दुर्घटित ट्यांकरका चालक हेटौंडाका ३२ वर्षीय सुदीप बोहरा र सहचालक मनीष नगरकोटी हुन् । उनीहरु आफैँ सम्पर्कमा आएको प्रहरीले जानकारी दिएको छ ।
चालक र सचालकल गाडीको स्टेरिङ अड्किएकाले दुर्घटना हुन पुगेको हो । आफुहरुले हाम्फालेर ज्यान जोगाएको उनीहरुको भनाइ छ ।
दुर्घटनापछि ट्याङकरमा आगलागी भएको थियो, दमकलको सहायताले आगो निभाएको उनले बताए। एसपी रेग्मीका अनुसार हाल ट्याङ्करलाई त्रिशूलीबाट निकाल्ने तयारी भइरहेको छ।
